“Монгол Улсын Үндсэн хуульд нэмэлт, өөрчлөлт оруулах асуудлаар ард түмний бүрэн эрхт байдал оролцоог хангах тухай” Монгол Улсын Их хурлын 2017 оны 6 дугаар сарын 02-ны өдөр 39 дүгээр тогтоол батлагджээ. Тус тогтоолд Монгол Улсын Үндсэн хуульд оруулах нэмэлт, өөрчлөлтийн төслийг улс,орон нутгийн хэмжээнд хэлэлцүүлэх ажлыг зохион байгуулахыг аймаг, нийслэл, сум , дүүргийн иргэдийн Төлөөлөгчдийн хурал бүх шатны Засаг даргад чиглэл болгосон байна. Монгол Улсын үндсэн хуульд оруулах нэмэлт,өөрчлөлтийн төслийг иргэдийн дунд хэлэлцүүлж,уулзалт зохион байгуулж,гарсан санал дүгнэлтийг нэгтгэн боловсруулах ажлын хэсгийг  Дархан-Уул аймагт 17 хүний бүрэлдхүүнтэй байгуулав.

Дархан сумын ИТХ-ын дарга Ж.Балжинням ажлын хэсгийн гишүүн бөгөөд Дархан сумын 18 багийн ИНХ-ын дарга нарт санал асуулгатай холбогдуулан мэдээлэл хийж, заавар , зөвлөмж өгчээ. Улмаар баг тус бүрт Монгол Улсын Үндсэн хуульд оруулах нэмэлт,өөрчлөлтийн төслийн талаар орон нутгийн иргэдийн дунд уулзалт, хэлэлцүүлэгүүд зохион байгуулагдана.