Дархан-Уул аймгийн Дархан сумын ИТХ-ын дарга Ж.Балжинням, ИТХ-ын Төлөөлөгчид болон Дархан сумын Засаг дарга Б.Азжаргал нарын урилгаар Бүгд найрамдах Солонгос улсын Кёнги аймгийн Бүчон хотын ИТХ-ын дарга ноён Кан Дун-Гу болон тус хотын ИТХ-ын төлөөлөгчид, хороодын дарга нар, ажлын албаны ажилтнуудаас бүрдсэн 5 хүний бүрэлдэхүүнтэй баг манай аймагт албан ёсны айлчлал хийхээр 2017.08.14 ны өдөр хүрэлцэн ирлээ.

Зочид Төлөөлөгчдийг Дархан сумын ИТХ-ын дарга, Төлөөлөгчид угтан авсан юм. Айлчлалын хүрээнд Бүчон хотын зочид Төлөөлөгчид Дархан сумын ИТХ, Дархан сумын ЗДТГ-ын бүтэц бүрэлдэхүүнтэй болон Нийтийн аж ахуй үйлчилгээний газар , аймгийн Музейн үйл ажиллагаатай танилцана.
Түүнчлэн “Нарны хүүхдүүд” төвийн хүүхдүүдэд хичээлийн хэрэглэл, малчдад нарны эрчим хүчээр ажилладаг гэрлийг бэлэглэх юм байна.