Дархан сумын Малчин багийн Уужим булагт 38 өрхийн 200 орчим хүн амьдардаг. Оршин суугчдын хувьд хамгийн тулгамдсан асуудал нь ундны цэвэр ус байсан юм. Иргэдийн саналаар тус хэсэгт Дархан сумын ОНХС-ийн 15 сая төгрөгөөр гүний худгийг барих ажил хийгдэн өнөөдөр улсын комисс хүлээн авлаа. Уужим булгийн айл өрхүүд хашаандаа худаг ухан эрүүл ахуйн стандарт шаардлагад нийцэхгүй усыг хэрэглэдэг байсан бол харин одоо 50 метрийн гүнээс гарч байгаа цэвэр усыг хоол хүнсэндээ хэрэглэх боломжтой болж байна.