Сумдад жижиг, дунд үйлдвэрлэлийг хөгжүүлэх, ажлын байр нэмэгдүүлэх зорилгоор иргэн, аж ахуй нэгжид олгодог зээл бол "Сум хөгжүүлэх сан"-ийн зээл юм. Жилийн 3 хувийн хүүтэй 36 сарын хугацаатай хөнгөлөлттэй зээлд хамрагдахаар Дархан сумын хэмжээнд 59 иргэн, 32 хуулийн этгээдээс төсөл ирүүлжээ. Үүнээс нийт 30 гаруй төслийг дэмжин өмнөх жилийн эргэн төлөлтөөр санхүүжүүлж иргэнд 10, аж ахуй нэгжид 20 хүртэлх сая төгрөгийн зээлийг олгох юм. Өнөөдөр /2018.04.20/ болж байгаа Төсөл сонгон шалгаруулах хуралд иргэд биечлэн оролцож төслөө хамгаалж байна. Маргааш буюу энэ сарын 21нд аж ахуй нэгжүүдээс ирүүлсэн төслийн хамгаалалт болно. Дархан сумын ТСШОТБЗ нь 23 хүний бүрэлдэхүүнтэй. Үүний 18 нь иргэдийн төлөөлөл байдаг. ОТБЗ-ийн гишүүдийн нууц санал хураалтаар хамгийн өндөр оноо авсан төслүүд дэмжигдэн зээл авах болмжтой болно. Ирэх даваа гарагт /2018.04.23/ сонгон шалгаруулалтын дүн эцэслэн гарах юм.