Дархан сумын ОНХС-ийн хөрөнгөөр таван багийн 12 байршилд авто замын нөхөөсний ажил хийгдэнэ. Одоогоор 4, 5, Өргөө багуудад нөхөөсний ажил хийгдэж байгаа бөгөөд ажлын явц 50 гаруй хувьтай байгааг Дархан зам тээвэр орон нутгийн өмчит аж ахуйн тооцоот үйлдвэрийн газрын дарга Ц.Сэргэлэн хэлэв. Ажлын чанар стандартад аймгийн МХГ-ын Авто замын хяналтын улсын байцаагч Д.Баярсайхан хяналт тавин ажилласан байна. Хорооллын доторх хатуу хучилттай авто замуудын насжилт ерөнхийдөө 50-иас дээш жил болсон тул эвдэрч хагарсан хэсэгт нөхөөс хийгээд ч үр дүн төдийлөн сайн биш байгаа аж.