Энэ онд Дархан сумын СХС-аас “Гарааны бизнес төсөл”-ийн уралдааныг нээлттэй зарласан. Уралдаанд оролцохоор 350 иргэн, хуулийн этгээд бүртгүүлж сургалтад хамрагдсанаас 70 иргэн, ААН төсөл ирүүлсэн юм. Төслийн нээлттэй сонгон шалгаруулалтаар нийт 37 төсөл шалгарсан. “Сум хөгжүүлэх сан”-гийн журамд заасан нөхцөл шаардлагыг бүрэн хангаж, 2 шатны сонгон шалгаруулалтаар шалгарсан 15 иргэн, 22 ААН-д хөнгөлттэй зээл олгохоор ТСШОТБЗ-ийн шийдвэр гарсан юм. Өнөөдөр /2019.05.28/ Дархан сумын Засаг дарга төсөл хэрэгжүүлэгчидтэй зээлийн гэрээ байгуулав. Шалгарсан төслүүдэд нийт 444 сая төгрөгийн санхүүжилтийг олгох юм.