Дархан-Уул аймгийн Засаг даргаас санаачлан, Засаг даргын тамгын газраас зохион байгуулж буй “Ёс зүйтэй, хүнд сурталгүй төрийн алба” аян, Авлигатай тэмцэх газраас зарласан “Зөв зөвд шударга зөв” соён гэгээрүүлэх аяны хүрээнд аймгийн Мэдээлэл технологийн алба, Боловсрол, соёл урлагийн газартай хамтран хүүхэд, залуучуудруу чиглэсэн нөлөөллийн ажлыг шат дараатай зохион байгуулж байна. Энэ хүрээнд аймагт үйл ажиллагаа явуулж буй Ерөнхий боловсролын сургуулийн ахлах ангийн сурагчдын дунд “Шударга ёс” сэдвээр эсээ бичлэгийн уралдаан зарласан юм.

Уралдаанд төрийн өмчийн нийт 12 сургуулийн сурагчид оролцсоноос Оюуны ирээдүй цогцолбор сургуулийн 12-2 ангийн сурагч М.Нандингоо, 16 дугаар сургуулийн 10а ангийн сурагч М.Аманбек, “Од” цогцолбор сургуулийн 11-3 ангийн сурагч Э.Энхмаа нар эхний 3 байрт шалгарлаа.