Хүүхдийн мөнгөний 100 мянган төгрөгийг бэлнээр авах бол сар бүр хүсэлт гаргаж, цахимаар бүртгүүлэх журам хэрэгжихээр болсон. Харин энэ хүрээнд иргэдэд чирэгдэл учруулахгүйгээр Гааль, Татвар, Санхүүгийн мэдээллийн технологийн төвийнхөн системээ хөгжүүлж, EHalamj, Ebarimt системээр нэвтрэн хүүхдийн мөнгөө бэлнээр авах хүсэлтэй байгаа саруудаа бүхэлд нь сонгох боломжтой болгосон байна.
Одоогийн байдлаар 600 мянга орчим хүүхдийн хүсэлт бүртгэгдсэнээс 100 орчим мянга нь харьяа халамжийн хэлтсүүдээр биечлэн болон утсаар холбогдож хүсэлтээ гаргасан бол 500 мянган хүүхдийн хүсэлт цахимаар ирсэн байна.
