Орхон аймгийн Баян-Өндөр сумын ИТХ, Дархан сумын ИТХ-ын үйл ажиллагаатай танилцаж, туршлага солилцож байгаа билээ. Энэ хүрээнд Нутгийн өөрөө удирдах ёсны байгууллагын хамтын ажиллагаа өргөжүүлэн харилцан туршлага солилцох, хамтран ажиллахаар “САНАМЖ БИЧИГ”-ийг Орхон аймгийн Баян-Өндөр сумын ИТХ-ын дарга, Дархан-Уул аймгийн Дархан сумын ИТХ-ын дарга нарын хооронд байгуулав.

Энэхүү санамж бичгийн зорилго нь хууль тогтоомжоор тогтоосон чиг үүргийн хүрээнд хамтран ажиллах, харилцан туршлага солилцох, урлаг спортын нөхөрсөг уулзалт зохион байгуулах, шуурхай мэдээлэл солилцох, хамтын ажиллагааг тасралтгүй дэмжихэд чиглэсэн юм.