Өнөөдөр Сэлэнгэ аймгийн Хүдэр сумын ГХУСАЗСЗ-ийн гишүүд, Дархан сумын ГХУСАЗСЗ-ийн 2022, 2023 онуудад хийж хэрэгжүүлсэн ажлын талаарх тайлан мэдээлэлтэй танилцаж, туршлага судалж байна.
Дархан сум нь Гэмт хэргээс урьдчилан сэргийлэх үндсэн 6 чиглэлийн хүрээнд үйл ажиллагаагаа төлөвлөн ажиллаж байгаа Гэр бүлийн хүчирхийллээс урьдчилан сэргийлэх, Архидан согтуурах гэмт хэргийг бууруулах чиглэлд гол анхаарлаа хандуулан ажиллаж байна.
Танилцуулгын үеэр Цагдаагийн газрын Нийтийн хэв журмын тасгийн дарга Н.Батхишиг Гэмт хэргийн статистик тоон мэдээлэл болон энэ онд хийж хэрэгжүүлсэн ажлын тайлан мэдээллээ танилцууллаа.
Мөн Хүдэр сумын Гэмт хэргийн зөвлөлийн гишүүд Дархан сумын нутаг дэвсгэрт үйлдэгдэж байгаа гэмт хэргүүдийг илрүүлэх хяналтын камерын нэгдсэн төв болон Дархан сумын 5 болон 15 дугаар багийн хамтарсан багийн үйл ажиллагаа болон сэтгэл зүйн төвтэй танилцах юм.
