Дархан-Уул аймагт Сэтгэл зүйчдийн холбоо өнөөдөр албан ёсоор нээлтээ хийлээ. “Нийгэмд гэрэл асаая” уриан дор иргэдийн сэтгэл зүйн эрүүл мэндийг дэмжих зорилготой тус санаачилгыг Дархан сумын ЗДТГ, Хөгжлийн бэрхшээлтэй хүний хөгжлийн төв, Сэтгэл зүйчдийн холбоо хамтран хэрэгжүүлж байна.
Сүүлийн жилүүдэд нийгэмд гарч буй хүчирхийлэл, сэтгэл гутрал, сэтгэлзүйн дарамттай холбоотой хэргүүд нэмэгдэж байгаа энэ үед иргэдийн сэтгэл зүйн боловсрол, дэмжлэгийг нэмэгдүүлэх нь нэн чухал зорилт болоод байна.
Иймд тус холбоо нь иргэдэд мэргэжлийн зөвлөгөө, сургалт, сэтгэл заслын үйлчилгээ үзүүлж, сэтгэцийн эрүүл мэндийг хамгаалахад чухал нөлөө үзүүлэхээр зорьж байна.
