Хэрлэн сумын 9-р багийн ажлын алба, Ахмадын зөвлөлөөс санаачлан Олон улсын эмэгтэйчүүдийн баяр, Монгол цэргийн баярыг тохиолдуулан “Эхийн сэтгэл, Энхийн манаа” өдөрлөгийг өнөөдөр зохион байгууллаа. Өдөрлөгт аймгийн ИТХ-ын дарга Р.Зоригтбаатар, төлөөлөгч Л.Хишигтогтох нар оролцож, ахмадууддаа хүндэтгэл үзүүлэв. Өдөрлөгийн үеэр багийн ахмадуудаас “Нийгмийн зүтгэлтэн дайчин ахмад” өргөмжлөлөөр О.Пушаа, “Дархан бэр” өргөмжлөлөөр Д.Цэндбазар, Д.Жадамбаа, Ө.Жавзмаа, “Тэнгэрлэг гэр бүл” өргөмжлөлөөр Ж.Сүхбаатар, О.Дуламсүрэн нарын гэр бүлийг  шалгаруулан, алдаршуулсан юм. Мөн хотын тэргүүний ажилтан цол тэмдгээр Б.Жодов, Ж.Энхзаяа, н.Балжид нарын ахмадыг шагнасныг аймгийн ИТХ-ын дарга, төлөөлөгч, багийн Засаг дарга нар гардуулан өглөө.