Аймгийн иргэдийн Төлөөлөгчдийн Хурлын ээлжит Х хуралдаан 09:35 цагт 68.5 хувийн ирцтэй эхлэв. Хуралдааны эхэнд Хурлын дарга Р.Зоригтбаатар хэлэлцэх асуудлыг танилцуулж, хэлэлцэх асуудалтай холбогдуулан төлөөлөгчдөөс санал асуув. Ардчилсан намын бүлгийн дарга С.Итгэл “Зохион байгуулалтын тухай” 1-р асуудлыг “Аймгийн эдийн засаг, нийгмийг 2015 онд хөгжүүлэх үндсэн чиглэлийн зарим заалтад өөрчлөлт оруулах тухай” 7-р асуудлын дараа хэлэлцүүлэхээр санал гаргалаа. Саналын дагуу санал хураалт явуулж, хэлэлцэх асуудлыг хэвээр батлав. Ийнхүү хуралдаан эхэлж, “Зохион байгуулалтын тухай” хэлэлцэх асуудлаар Ардчилсан намын бүлэг 2 цагийн завсарлага авлаа. Хуралдаан 11:45 минутад үргэлжилнэ.