Аймгийн Засаг даргыг огцруулах тухай тогтоолын төслийг хэлэлцэх үеэр Монгол ардын намын бүлэг 15 минутын завсарлага авлаа. Завсарлагааны хугацаа дуусаж хуралдаан үргэлжлэхэд Монгол ардын намын бүлгийн дарга С.Мөнгөнбат тогтоолын төсөл дэх огцруулах үндэслэл, хуулийн заалтыг тайлбарлав. Үүний дараагаар аймгийн Засаг даргыг огцруулах тухай тогтоолын төслийг батлах санал хурааж, 18 төлөөлөгч гар өргөн дэмжлээ. Тогтоолыг Монгол улсын Ерөнхий сайдад өргөн мэдүүлэх юм.