Дархан сумын ОНХС-аар чөлөөт бөхөөр хичээллэдэг хүүхэд залуучууддаа иж бүрэн 2 дэвжээ, дасгалын тоног төхөөрөмж хэрэглэгдэхүүнийг хүлээлгэн өглөө. "Ингэснээр олон улс болон улсын аварга шалгаруулах тэмцээн уралдаан зохион байгуулах бүрэн боломжтой болохын зэрэгцээ тамирчид орчин үеийн стандарт хэрэглэгдэхүүнээр дасгал сургуулилтаа хийх боломж бүрдэж байна. Дарханы чөлөөт бөхийн тамирчид маш их амжилттай байгаа бөгөөд олимпийн тэнгэрт манай тамирчин төрийн далбаагаа мандуулах цаг тун удахгүй ирнэ гэдэгт найдаж байна..." гэж дэвжээ хүлээлгэн өгөх үеэр Дархан сумын Засаг дарга Б.Азжаргал онцлов.