Сумдын иргэдийн Төлөөлөгчдийн Хурлын сонгууль энэ сарын 19-ны өдөр болохтой холбогдуулан “Хуулийн хэрэгжилтийг хангах” тухай аймгийн Засаг даргын 2016 оны 10 дугаар сарын 10-ны өдрийн А/418 дугаар захирамж гарлаа. Захирамжийн дагуу 2016 оны 10 дугаар сарын 19-ний өдөр буюу санал авах өдөр аймгийн хэмжээнд архи, согтууруулах ундаа худалдах, түүгээр үйлчилгээ эрхлэхийг түр хориглоно. Мөн санал авах өдөр гадаа болон битүү талбайд үйл ажиллагаа явуулдаг худалдаа, үйлчилгээний төвүүд ажиллахгүй бөгөөд олон нийтийг хамарсан аливаа арга хэмжээг зохион байгуулахгүй юм. Сонгуулийн тухай хуулийн 96 дугаар зүйлд энэ тухай тодорхой заасан байдаг.