Дархан сумын Багийн иргэдийн нийтийн хурлын дарга нарын зөвлөгөөн өнөөдөр / 2016.11.17/ аймгийн ЗДТГ-ын хурлын танхимд боллоо. Тус зөвлөгөөнөөр үндсэн 4 асуудлаар мэдээлэл хийв. Зөвлөгөөний эхэнд Дархан сумын ИТХ-ын дарга Ж.Балжинням : Шинээр сонгогдсон ИТХ-ын Төлөөлөгчдийн товч танилцуулга , цаашид хэрхэн ажиллах зарчмын талаар ярилаа. 2017-2020 оны ИТХ-ын Төлөөлөгчид харьцангуй залуужсан. Энэ ч утгаараа туршлагатай Багийн ИНХ-ын дарга нар Төлөөлөгч бүрийг иргэд сонгогч, ард иргэдтэй холбох ажлыг зохион байгуулна. Түүнчлэн тухайн багт тулгамдсан асуудлаар уулзалт, хэлэлцүүлэг хийхэд анхаарч ажиллахыг хүслээ. Зөвлөгөөнөөр 2016 онд сонгогдсон ИТХ-ын Төлөөлөгчид, Хороодын ажиллах журам, бүрэлдхүүнийг танилцуулав. Түүнчлэн Багийн ИНХ-ыг ямар хэлбэрээр хийх талаар санал авлаа. Зөвлөгөөний төгсгөлд Дархан сумын ИТХ-ын Бүрэн эрхийн хугацаанд баримталж ажиллах үндсэн чиглэл, Сумын Засаг даргын 2017-2020 оны үйл ажиллагааны хөтөлбөрт иргэдээс санал авах ажлыг зохион байгуулж 2016.12.02 ны дотор дээрх саналуудыг нэгтгэж ирүүлэхийг үүрэг болгов.