Дорнод аймгийн Засаг даргын захирамжаар өрх, хүн амын шинэчилсэн бүртгэл хөтлөх, мал, тэжээвэр амьтадын тооллогын аймгийн комисс байгуулагдсан ба өнөөдрийн байдлаар өрх, хүн амын шинэчилсэн бүртгэл хөтлөх, мал, тэжээвэр амьтдын тооллого хэвийн явагдаж байна.
Тооллогын явцад хяналт хийхээр аймгийн комиссын гишүүд 9 хэсэгт хуваагдан 14 суманд ажиллаж байна.
Захирамжийн хэрэгжилтийг ханган ажиллах үүднээс Хэрлэн сумын хэмжээнд 11 сарын 07-ны өдөр мал, мах худалдан авах, нядалгаа хийх үйл ажиллагаа явуулдаг “Их чулуут” ХХК, “Жаст Агро” ХХК-ны “Дорнод Мах маркет” үйлдвэрийн газруудад хяналт хийсэн ба “Их чулуут” ХХК-ийн хашаанд олон тооны адуу нядалж байгааг илрүүлэн, аж ахуйн нэгж, иргэнд 180.0 төгрөгийн торгууль ногдууллаа гэж Аймгийн Статистикийн хэлтсээс мэдээлэв