Гэмт хэргээс урьдчилан сэргийлэх ажлыг зохицуулах зөвлөл 2017.03.24-ны өдөр 89 хувийн ирцтэй хуралдлаа. Хуралдаанаар Дархан сумын 1,2 дугаар баг гэмт хэргээс урьдчилан сэргийлэх чиглэлээр авч хэрэгжүүлсэн ажлын тайлан мэдээллийг сонсов.


Багууд өөрсдийн нутаг дэвсгэрт хэсгийн байцаагчидтай хамтран архины хамааралтай болон гэр бүлдээ түгшүүр төрүүлдэг иргэдийг судалгааг гаргасан байна. Гэмт хэргээс урьдчилан сэргийлэх чиглэлээр хяналт шалгалт, сургалт сурталчилгааны чиглэлээр хийгдсэн ажлын талаарх мэдээллийг багийн Засаг дарга нар танилцуулаа.


Цаашид хэсгийн ахлагч, ААНБ, иргэдийг хамруулан  нийтийн эргүүлд ажиллуулах, Архи согтууруулах ундаа борлуулдаг дэлгүүрийн тоог бууруулах, зөвшөөрлийн нэмж олгохгүй байх, Гэр хорооллын гудамж хэсгийг гэрэлтүүлэх, камержуулах асуудлыг хөндөн тавив. Хуралдааны төгсгөлд Онцгой байдлын газраас аймгийн хэмжээнд гарч байгаа гал түймрийн хэрэг зөрчил түүнээс урьдчилан сэргийлэх ажлын тухай ОБГ-ын орлогч дарга Б.Ганхүү мэдээлэл хийлээ.